يالرب الي مالك ثانـــي********وخلقت اعبيدك سياني
ما فيهم عندك برانـــي********عجل علي بالتوبـــه
والبوي وامي واخوانــي********واصحاب تحسن لعكوبـه
واهلي لخرين او جيرانــي********وانت غفار الذنوبـه
فاغفرلي واحرم لسانـــي********من كلمه ما هي محبوبه
واحرم عيني نظرت زانــي********واعطيني نظره مددوبـه
واحرم ياربي صقانــــي********تمشي لبلاصه مشيوبـــه
وعيني لا شافت برانــــي********يطلبني طلبه محجوبـــه
ولا زاداتي دخلانــــــي********واجعللي ايدي مسروبه
تعطي للقاصي والدانــي********عطيه ماهي متلوبــه
واحرمني من قولت مانــي*******ذي الكلمه كثرت ذي النوبه
الإثنين يوليو 04, 2011 3:55 pm من طرف sudprss
